Reseña "Aire Negro"

Sinopse

Cando o doutor Vítor Moldes comeza a traballar na clínica psiquiátrica Beira Verde, ten como primeira paciente a Laura Novo, unha muller coa memoria borrada, que ocupa as horas do día en escribir de xeito compulsivo o seu nome, aferrada a el coma se fose o único resto dalgún naufraxio emocional. Mediante unha terapia innovadora, o doutor consigue que a paciente abandone a súa prisión interior e comece a lembrar o seu pasado.«Escríbao todo, reviva outra vez o que pasou. Escriba o que non é capaz de expresar con palabras en voz alta. Así irán collendo sentido as lembranzas que agora permanecen enmarañadas na súa memoria.» O doutor conseguirá que Laura rememore todo o que lle sucedeu nos meses anteriores, cando unha escura sombra parecía ameazar a súa vida. Ningún dos dous podía imaxinar que lle estaban abrindo a porta a unha realidade terrible, ao esqueceren que por baixo da tranquilizadora superficie da vida os terrores máis fondos agardan a ocasión propicia para destruírnos.

Opinión

Para comezar, trátase dunha novela bastante corta (unhas 170 páxinas), clasificada como literatura xuvenil. Mentres a lía, experimentei esa emoción que nos deixa toda historia ben estruturada que, ademais, presenta una trama complexa y chea de elementos psicolóxicos e mitológicos válidos para cualquera lector, xa sexa xoven ou adulto. 

Na trama, a través do diario da moza, o doctor embárcase nunha aventura onde se mesturan o real e o sobrenatural para coñecer as orixes dese temeroso comportamento que a rapaza amosa nos seus momentos de lucidez.

Una de características máis sorprendentes da novela, é que se desenvolve nun ambiente puramente galego. Trátase dunha obra que devolve a esperanza de regresar ao mellor do xénero de terror. 

Para rematar, esta novela deixa un sabor agridoce. Porén, todas as sensacións que me fixo sentir durante a súa lectura provocaron en min as ganas de volver lelo algún día.